Copyright 2017 - Comune di Pabillonis - via San Giovanni, 7 - 09030 Pabillonis (VS) - P. IVA: 00497620922

Notizie in Lingua Sarda Nobas

AVISU PÚBBLICU PO TOTUS IS OPERADORIS ECONÓMICUS E PO TOTUS IS SUGETUS INTERESSAUS

4 mori
Sa Província Sud Sardigna, ponendi a dispositzioni su dinai de sa L.R.6/2012 po sa prumotzioni linguística bisíbbili de sa língua sarda, at decídiu cun is comunus alleaus de su progetu, de cumbidai totus is operadoris interessaus a ammostai s’acunsentimentu insoru po s’umperu e s’avaloramentu de sa língua sarda in is atividadis diferentis de cumpeténtzia, po fai insinnias, listas (“menù”),  artellinus ed etichetas de merci, e aici sighendi.
Sa tarea de su progetu est sa de lompi a su bilinguismu sardu - italianu e de umperai su sardu cun sa matessi dinnidadi de s’italianu in sa cumpridura de is atividadis de trabballu, istitutzionalis e puramenti acapiadas a sa vida de dónnia dí.

Leggi tutto: AVISU PÚBBLICU PO TOTUS IS OPERADORIS ECONÓMICUS E PO TOTUS IS SUGETUS INTERESSAUS

AVISU PO SU CURSU DE LINGUA SARDA

4 mori
S’Ufìtziu Lìngua Sarda de su Comunu de Pabillois fait sciri chi, cunfroma a sa lei n. 482/99 de su Stadu Italianu "Norme in materia di tutela delle minoranze linguistiche storiche",  in su 2016 puru si fait in su Cumunu su cursu elementari de sardu de 15 oras,  po is dipendentis, is amministradoris e  abertu a totu sa populatzioni chi bolit pigai parti, de foras de bidda puru.
Su cursu at a essi sa cenàbara de is 15,30 a is 18,30  in sa Sala de su Consillu de su Municípiu béciu e at a inghitzai su 30 de Cabudanni chi benit. 
Su cursu no si pagat. Is mollus po s'iscriri s'agatant in s’Ufìtziu lìngua sarda, chi aberrit in Biblioteca  su cenàbara de is 8,30 a is 14,00/ 15,30 - 18,30 opuru mandendi una e-mail Questo indirizzo email è protetto dagli spambots. È necessario abilitare JavaScript per vederlo.

Calendàriu:
30 de Cabudanni 2016
7, 14, 21, 28 de Meseladàmini 2016
 
       S'Assessora             Su Sindigu        
        Rosita Bussu           Riccardo Sanna

RIMBURSU SPESAS DE BIAXI A IS ISTUDIANTIS DE IS ISCOLAS SEGUNDÀRIAS DE 2° GRADU – ANNU DE ISCOLA 2015/2016

Si fait isciri chi funt a dispositzioni is mollus po sa presentada de is domandas po su rimbursus de is spesas de biaxi a is istudiantis chi biaxant de is iscolas segundàrias de 2° gradu – annu de iscola 2015/2016 (L.R. 31/84' Art. 7, lit. A). Is domandas depint lompi a su s'Ufíciu Protocollu de su Comunu aintru e non prus a tradu de su 10 de Meseladàmini 2016.

pendolari

Non si podint pigai in cunsideru is domandas lómpias prus a tradu de tali data.
Is mollus funt disponíbbilis ande s'Ufíciu Istrutzioni Púbblica de su Comunu de Pabillois in s'oràriu de abertura a su púbblicu:

de lunis fintzas a cenàbara 

a mengianu 11,00 – 13,00 (de is úndixi de a mengianu fintzas a sa una)
a merí 16,30 – 18,00 (de is cuatru e mesu fintzas a is ses de a merí)
opuru si podint scarrigai deretu de su giassu de su Comunu.

Avisu Pùbblicu

 

Pabillonis, 27 de Cabudanni de su 2016

 
     S'Assessora                          Su Sindigu
 Graziella Gambella           Riccardo Sanna

ACABBU DE IS ÒPERAS PO TORRAI A NOU IS BIAS

bitumazione

Si fait isciri a is citadinus chi de  Lunis 12 de Cabudanni 2016 torrant a incumentzai is trabballus po torrai a nou is bias apustis de s’acabbu de is òperas de cumpridura de s’arretza de su gas de citadi (giai in funtzioni in Pabillois). Is trabballus de fresadura e bitumadura sighint is dís chi serbint po acabbai totus is bias de su centru de sa bidda. Sa Dita at a ponni sinnialis apósitus de divietu de sosta cun antícipu adeguau in totus is tretus de bia interessaus de  s’avantzai de is trabballus.

Pabillonis, 9 de Cabudanni de su 2016

      Su Sindigu
   Riccardo Sanna
f t g m